سبحان الله استخرجنا سحر من بطن قطوة ..... ( بالصدفه )...
السلام عليكم ورحمة الله وبركاته
حبيت اقولكم سالفه قصيره حصلت لي انا واحد الاصدقاء قبل ثلاثة ليالي
بالصدفه ...
مرني احد الشباب وتوجهنا لاحد المطاعم لتناول العشاء ومن زحمة
الناس بالمطعم قررنا ناخذه برا وطلعنا لاقرب مكان يعني قريب من الحي
اللي ساكنين فيه وفجأه وحنا نتعشا قربت مننا قطوة شكلها يكسر
الخاطر كانت نحيفه بشكل ملفت للنظر فقام صاحبي واخذ شي من
الاكل وقربه عندها وجات تبي تاكل بس ماتقدر يعني قاعده تلف على الاكل بس ويوم قربنا منها نشوف حالتها لقينا فمها مخيط (حسبي الله على السحره ) المهم طلعنا الموس حق تظليل السيارة من الموتر وقعدنا نقطع الخيوط وهي مستسلمه , وبعد مافكيناها قامت تاكل لدرجة انها كملت على نص عشانا تقريبا واخذ صاحبي الحليب وحطه لها في غطا بلاستيكي وقعدت تشرب حسينا ان لها اسبوع او اكثر ما ذاقت شي
المهم بعد هذا كله ابتعدت عنا شوي واستفرغت( اعزكم الله ) كل اللي عطيناها اياه من اكل وبعده استفرغت حاجه ملفوفه بنايلون او بلاستيك شفاف وعلى طول فارقت الحياه ...
على طول قربنا منها حصلناها مفارقه الدنيا وقعدنا نفك بالحاجه اللي طلعتها وحصلناه سحر مكتوب وريحته لا تحتمل الله يكرمكم واتلفنا السحر
بعدها مشينا وحنا مذهولين ونتحسب على اللي سوا هذا الشي حسبنا الله ونعم الوكيل
اعذروني على الاسلوب بس حاجه صارت لي شخصيا وحبيت اشرحها لكم وابين لكم دناءة السحره واعمالهم
وبالاخير لاتنسوني من دعواتكم الطيبه
تعليقات
إرسال تعليق